Bu gün AMEA İnformasiya Texnologiyaları İnstitutunda Kibernetika, İnformasiya texnologiyaları və Texnika üzrə Problem Şurasının növbəti iclası keçirildi.
İclası Problem Şurasının sədri akademik İsmayıl İbrahimov açaraq gündəlikdə duran məsələlər haqqında məlumat verdi.
Tədbirdə Kibernetika, İnformasiya texnologiyaları və Texnika sahəsində 2011-ci ildə əldə olunmuş nəticələr və 20 ildə qazanılmış nailiyyətlər, PCI-2012 konfransının keçirilməsi və bir sıra cari məsələlər müzakirə olundu.
Tədbirdə çıxış edən AMEA Kibernetika İnstitutunun direktoru, akademik Telman Əliyev və AMEA İnformasiya Texnologiyaları İnstitutunun direktoru, AMEA-nın müxbir üzvü Rasim Əliquliyev şuraya daxil olan institut və təşkilatların son 20 ildə əldə etdiyi nailiyyətlər haqqında materialların 20 gün ərzində hesabat şəkilində Şuraya təqdim edilməsini və kitab şəkilində dərc olunmasını təklif etdilər.
PCI-2012 konfransının 2012-ci ilin sentyabr ayında keçirilməsi qərara alındı.
Akademik Fikrət Əliyev, AMEA Elmi-Təşkilat Şöbəsinin rəhbəri, riyaziyyat üzrə fəlsəfə doktoru Əminağa Sadıqov, Problem Şurasının elmi-katibi t.e.n. Ədalət Paşayev və texnika üzrə fəlsəfə doktoru Tahir Əlizadə gündəlikdə duran məsələlərlə bağlı təkliflərini bildirdilər.
istinad: ict.az
TELMAN ƏLİYEV
AMEA-nın həqiqi üzvü, texnika elmləri doktoru, professor
| Doğum tarixi: | 2 may 1935 |
|---|---|
| Doğum yeri: | AR Goranboy rayonu |
| Elmi dərəcəsi | Texnika elmləri doktoru |
| Elmi rütbəsi: | Professor, akademik |
| Elmi əsərlərin ümumi sayı: | 587 |
|---|---|
| Xaricdə çıxmış elmi əsərlərin sayı: | 383 |
| Patentlərin sayı: | 109 |
| Kadr hazırlığı: | 37 f.d. və 12 e.d. |
|---|---|
| İş yeri: | AMEA-nın İdarəetmə Sistemləri İnstitutu |
| Vəzifəsi: | AMEA-nın müşaviri |
| Xidməti tel.: | (+994 12) 5394384 |
| Faks: | (+994 12) 5392826 |
| E-poçt: | [email protected] |
Kibernetika, İnformasiya texnologiyaları və Texnika üzrə Problem Şurasının növbəti iclası keçirildi
